《大埔鳳園 ，沙螺洞行山？》

早幾日去九龍坑山行山，路經鳳園。

睇返規劃，原來長實2019年8月提出將現址的綜合發展區用途，改劃為乙類住宅地帶。地盤面積約13,920平方米，興建1420伙單位，即係芊色花園對面。目前長實嵐山項目有1071伙單位。 

當年城規會有條件通過的規劃申請，地契要求長實需要負責屋苑旁邊「芊色花園」的管理及維修保養。不過項目入伙約兩年後，有人發現「芊色花園」遭丟空，住戶亦不能內進。直至後來有傳媒揭發事件，地政署回覆指，地契並無規定「芊色花園」必需對外開放。

芊色花園到2018年12月經簡單修復後改稱為「蝶豆花園」有機農莊，現接受團體預約，預計2019年初正式營業。

上圖可以見到嵐山右邊橙色地盤是富蝶邨的地盤，分三期，提供8100伙公屋單位，為為大埔最大公屋群。

富蝶邨第一、第二期及第三期前身分別為匡智會松嶺村轄下的農地、大埔第9區擬建私家醫院用地，以及閒置政府土地。當中，富蝶邨二期所在的私院用地，曾於2013年進行招標，但因為僅有一個財團入標而終告流標。及後，私院用地交還政府，並改作興建公屋。2014年，房委會提出將該用地連同頌雅路東（即富蝶邨一期）、西地盤（富蝶邨第三期）一併發展。

從山上望落去，會見到好大個湖，就是蝶豆花園有機農莊，有羊駝睇，門口貼了一場照片表示郭富城也去過，入場費200蚊，另外仲有蝴蝶保育園。

最右邊隱約見到兩座白色建築物，中間有橙色邊，就是富蝶邨第一期斑蝶樓，目前應該入伙。

之後就行去沙螺洞廢屋參觀。沙螺洞保育涉及村民，發展商及政府三方的爭論，目前由環保組織進行保育工作，是香港唯一淡水濕地，有特殊科學價值，保育排名位居前列，多蜻蜓及盧氏小樹蛙，盧氏小樹蛙是在1952年於香港南丫島一個山洞中被發現。可惜我地冇時間深入行下，只係在附近走走就行上九龍坑山。

西貢西灣1日遊

搭船去西灣，之後去沙灘玩，

但係冇拖鞋唔想濕鞋，

所以用左40蚊買對拖鞋，

但朋友個對行幾步就爛左，

所以唔可以去得好遠，

沿途不停要整隻拖鞋，笑死，

我就冇事，享受風和日麗的沙灘。

吹海風，玩下水輕鬆一下。

《瓏山一號奇怪的會所？粉嶺規劃記錄》

行到去粉嶺瓏山一號，呎價＄13,450，
見到佢建築設計好奇怪，
佢一幢樓中間有條天橋駁去旁邊，
一座矮身的圓柱體建築物，
係宴會廳，但專登旁邊起一座小建築比較罕見，
望落去唔係好和諧，
單幢樓屋苑裡面原來有棵原生古樹，幾有趣。

呢個角度睇又幾型，佢下面有個教堂地盤圍住，

原來係粉嶺聖若瑟堂，

2018年年尾用左7000萬補地價擴建，

而家應該係開始緊擴建工程，

教堂真係好有錢，羨慕！

旁邊粉嶺花園有個新地盤起到一半，
原來係粉嶺芬園，

目前原址重建為已婚初級警務人員宿舍，

由2幢高5層的樓宇，
重建為5幢樓高28至30層的樓宇，提供1184個單位。

呢個係恒地馬屎埔地盤，原來補地價都要25億，

面積好大，應該係大型新盤，起過千伙單位。

附近仲有新世界的鬼屋地盤，又叫烏鴉落陽項目，

無人知佢點解起左十幾幢矮樓爛尾又唔買又理，

睇新聞就話本身其實新世界係準備起洋房，

但係起到半路政府就話發展新界東北，

塊地地積比可以起高樓層住宅，

起洋房太浪費，所以發展商就想申請改劃地皮，

於是就丟空，由於之後可能有空置稅，

所以而家就拿拿聲拆左佢，事實係咪就不得而知。

HK01新聞就好似話而家拆緊，

原來位置就在恒地馬屎埔項目的旁邊。

下次可以繼續探索。

《聯和市場門口前面的新樓盤？》

今日去粉嶺行下，發現一個叫囍逸的新樓盤，呎價＄13,747，

佢個入口竟然對住一個舊街市門口。

我行去睇，原來係聯和市場，佢係戰後新界北區第一個墟市，

但係好奇怪，一個新樓向前行幾步竟然係一個古蹟，

個古蹟好舊，好似冇人打理，

新聞話政府打算活化成生活館，2022年起營運。

但其實個樓盤出入口大堂點解唔可以設其他方向呢？

真係奇怪。

其實聯和墟d舊建築都幾有味道，外牆顏色好古舊。

《港島幼稚園探廢．我所觀察到的怪事》

今日再次去探廢，地點分別是港島的畢拉山道111號附近的舊聖公會幼稚園。另一處是東山臺旁邊的嶺南幼稚園，兩者位置都有一段距離。

據報前特首最近申報住址是畢拉山道11號的高級公務員宿舍，月租約七萬元。我不知道他望出窗的方向是不是幼稚園的方向呢？如果是，應該主要望山景。

我發現幼稚園的禮堂有靈探的痕跡，可能是有人曾經在此作法，見到白兔糖，益力多及白米蠟燭佈下的圓陣，召喚甚麼呢？

幼稚園外面有座廢棄秋千，旁邊是民居，叫栢麗園，座向如下。

單位最近叫價約每呎30,912元，秋千旁邊可見其實相距很近，就在後方。

2019年低層成交4280萬，每呎28686元，實用面積1492呎，我在想，住在那裡的人，他們知不知道，窗外的幼稚園晚上有人在靈探呢？可是這樣的單位也是天文數字，呎價奇高，不明白有甚麼原因值得住下去。如果是我應該會覺得有種不自在的感覺。幼稚園已經搬遷，只剩下空空的校舍及廢棄的玩樂設施。

2011年消息有傳聖公會獲准將擬發展的空間轉移到畢拉山地段，原本的幼稚園拆卸後重建為兩座十二層高建築物，可惜至今仍是廢校。

另一處我覺得非常奇怪的地方是嶺南幼稚園，位置在東山臺旁邊，東山臺是豪宅區，許多名人富豪均在此置業，例如GEM前經理人以4000萬元購入東山臺9A號，印度家族斥資購入東山臺5號及10號。

位置上，其實嶺南幼稚園，小學及中學均在香港仔隧道上面，中學則清拆賣地給新地建作Central Peak，可是沒有多少成交的新聞，跟嶺南小學只有一街之隔，極近，豪宅旁邊是一座殘破的廢校，部份單位可能望廢校景，假如小學部份不重建，入夜應該幾陰森。

早幾年因遷校問題上新聞，話說嶺南教育機構以校舍安全問題為理由，要求嶺南小學暨幼稚園，以及嶺南幼兒園遷校，最後於2012年成功遷校就一直廢棄至今。

前年亦有報道指兩幢物業分別為嶺南小學及嶺南幼稚園舊址可進行重建申請改劃土地作住宅用途，重新打造為三層高約34,500平方呎之低密度住宅項目，但至今好像都未有消息。

目前廢棄校舍面貌見上圖。

校舍旁邊就是超華麗中半山豪宅。

豪宅的對面就是可見到這條樓梯，一面繁華，一面蒼涼。

很想知道究竟開賣之後成交價會是多少，雖然香港寸金呎土，幾步之隔，價值卻差天共地。