《廣州之旅．沒有這件事 妨礙我們》

放逐自己一日返大陸，事關大妹公司有一晚免費酒店住，於是跟佢上去參觀。

先搭車去大圍，然後9點半左右就搭旅遊巴去深圳灣，之後過左關就搭去廣州天河城，沿途平行時空，冇任何特別事情發生，十分順利。

到達天河城係下午一點，全程用左3個半鐘 ，來回價錢只係180蚊，平過搭火車，火車返廣州來回要420蚊。

放低行李之後就去左點都德飲茶，去酒店做個腳底按摩之後入夜就去左廣州塔，發覺太多人排隊上去，就行去江邊睇下，之後就搭車去北京路，去仰忠匯的小炳勝食夜晚飯，然後散步一會就搭的士返酒店。

廣州塔

之後去小炳勝食晚飯。

秘製黑叉燒。

炒秋葵。

蟹黃銀絲餅。

咸檸檬炒飯。

第二日，我地去食山東人家。

山東餃子。

茼蒿。

片皮鴨。

之後搭的士去行白雲山，搭纜車上摩星嶺，然後行返落山，於大金鐘路出返柯子嶺門，石楷修建整齊，好易行，山水之樂。唔洗帶水都可以行上山再落返山，反而碑林冇咩特別。

最後食客語，好味客家菜。6點半搭旅遊巴返港，10點到達大圍。

《西湖十景．看這裏風雨連場日光深沉》

大約6點鐘我就出門，先會合司機，然後佢車我地去西湖門口，之後我地馬上就開始行西湖十景，難得個天落完雨，景色都算還可以。我地就把握時間盡快行。

南宋御街。

iphone陰天影相質素的確麻麻，我地去到平湖秋月，有一塊簡單石碑同埋一個涼亭，個涼亭就係文革之後先成功修復的平湖秋月亭。

兩個雕像人物分別係蔡元培同埋林風眠，林係杭州國立藝術院校長。

光華復旦係指中國自強不息，自主辦學，典故出自尚書。

呢個西湖餐廳係中華老字號，林升詩芸：「山外青山樓外樓，西湖歌舞幾時休？

暖風熏得遊人醉，直把杭州當汴州。」，諷刺當時南宋不思進取，居安杭州的心態。

蘇小小墓，慕才亭，1966年蘇小小等人的墓等被當作毒害群眾的東西而加以清理，2004年才加以修復。

武松之墓，都是2004年重建。

曲院風荷，西湖第二景。清朝康熙年間，在蘇堤跨虹橋畔的岳湖種荷花，並建亭立碑。

岳飛銅像。

又一個曲院風荷的石碑。

呢個庭園有好多酒文化的雕像，同埋有d賣酒的店，有酒香。

蘇堤春曉的石碑。

天氣好似唔錯。

花港觀魚入口。

杭州西湖的東坡肉飯，簡直係垃圾，得一小舊肥豬肉。

南屏晚鐘的佛寺。

遠望可見雷峰塔，但要比錢進內，所以放棄。

南屏晚鐘的石碑。

今日去左同西湖十景有關的蘇堤春曉、曲院風荷、平湖秋月、花港觀魚、南屏晚鐘及雷峰夕照，雖然睇唔到佢地最好一面，不過去過感受下就算，似乎這裡的景點相比日本的確係人多嘈吵，有種頹垣敗瓦，被破壞後殘存至今的感覺。新西湖十景由於時間關係冇去，可能會好一點也不定，希望下次可以去。