去京都車站食個午餐先,其實呢一餐都算係我第一餐在日本的飲食,由於太肚餓,所以就去左食咖哩,我覺得味道都唔錯,但係唔係真係比香港好食好多,反而係佢地服務態度真係好過香港好多。
食完野,就決定去伏見稻荷行下,因為見D人成日響一堆堆紅色柱子旁邊影相,所以決定去下,睇下係咪真係有。
準備上山。
我開頭以為呢個就係清水寺,後來先知唔係,真係冇見識!
見到紅色柱子,開始影相,呢條路真係好易行,基本上係咁行就得。
行上D就見到好多呢種紅色柱子的裝飾。
又有狐狸同石碑,唔知有冇作家黎過呢度又寫過遊記,有我都想睇下。
呢個景都唔錯,柱子同綠色植物都好夾。
呢個湖反而冇咁清,同埋好多蚊子。
成日覺得呢D廢墟景好正。
書法好型,石碑都幾正。
繼續行上去,見到好多人都選擇半路走,因為紅色柱子景望得太耐其實都會厭。
玩下水。
上到高處,開始見到遠處的城市景。
呢段路真係好多級樓梯,佢地都行到半條人命,但係上到去又有種成功感。
愈黎愈高。
又見到一堆石碑。
再上多一輪。
去到中間見到有賣野食的地方,我妹總共買左3次野飲,我都好佩服點解佢可以陪我行咁多上山路。
人地黎日本應該去購物食野,我地竟然第一日就選擇左去行山,真係傻仔。
終於上到山啦,其實座山有幾高呢?其實只有233米高,唔算特別高,但係對我地黎講,呢個牌仔都算係完成一個小小目標,起碼咁辛苦行上唔係只係為左影相。
山頂的狐狸仔果然係型好多,好有威嚴,不愧係神社的守護神。
呢張仲勁,有件衫著。
山頂的景色會望到更加遠,而且仲有個位比人企高影相,天氣都還可以,不過真係有D曬。
任務完成,響火車影返張相先。我地3個人,去日本仲慘過響香港,平時好日都唔會點樣行山,一黎就變左苦行,真係痴線!
下一站去邊呢?下回待續~~