根據我對於兩地飲茶的了解，內地茶位平過香港一半，燒賣大粒好味D，同時乾炒牛河平一半，粉果係香港好食D，脆皮腸內地的紅米做得不錯，鳳爪其實香港食會平D好食D，但內地份量會多D，艇仔粥香港好似足料少少，會落D豬皮，叉燒包內地唔算平太多，但唔好食，醬汁出事，乳鴿感覺上內地好食少少，價錢可能貴過香港，但大陸由於免加一，整體黎講都係平香港30%。
至於呢30%，即係大約90蚊，每人30蚊，其實搭上深圳灣都要來回20蚊，連埋內地的士錢分分鐘仲貴過香港，如果唔搭的士可能都打個和，但除左貪平貴以外，了解下兩地物價差異同埋味道上高低都不失為假日一件趣事，盲目話是但一面好都未必啱曬。
比我下次，都係寧願比貴少少食香港有質素酒樓同外父飲茶。
.jpeg)
